Tamolok Meto

Noka nok fai au uneop he tui ek uab meto Dawan fun au baca hanaf bin internet nak uab meto-uab meto bin hit Indonesia ia of namneuk. Tek molok bian nat nak, uab meto noko kuan-kuan bin Indonesia of mapnikan. Nan sa es mapnikan, fun kan mui fa tobe hen loem hen namolok nek sin uab meto. Sa an ten, li’ana-li’ana muni ia kan loim fa he namolok nek sin uab meot e. Kan loim fa he namolok fun ‘namaebok’. Fun kalun namolok uab meto, of atone bian nak sin nak ‘lian kuan’. Situasi on le ia es akhirnya moe tobe, sa an ten li’ana-li’ana namaebok. Tek labit nak ‘gengsi’ kalu namolok uab meto 🙂.

Hanaf ia lon maneo,..kais tak hanaf ia han moet. Hanaf ia lon maneo. Fe es au u’neop, ton bo’nua tia bo’teun am nemat, tia hit anhin-hit cucu sin, uab meto Dawan of lo nam nekun fin.  Kan mui fa molok meto Dawan ten.

Noko le situasi ia, esa au – amolok noko uab meto Dawan asli, moe le blog “Tamolok Meto’ ia. Au moe het bua tobe noko me-me – amolok uab meto Dawan sin ok-oke, he namolok Dawan. Tamolok meto kalut artikan nak ‘aim’ ok-oke kit nekaf mese ma ansaof mese het tamonib hit uab meto Dawan daer molok alekot neu kit ok-oke. Han mlile neu kit ok-oke.

Belusaha het kais ta nekun hit uab meot e. Hit taskol ma tahin bukan het ala het labi ha, sa an ten tak hit tahin taen uab kase-uab kase nok pah ‘Belanda’ me hit uab meot e, tap nikan tani.

Ka ala au mes e sa moe blog neu het tamolok meto Dawan. Namfau ben, me fe na be so e tek nimak fua ke. Au pulis u latan hit Pa’ mese ka ne Yohanes Manhitu (koa e tak Pa’ John) – noko Timor kuan Noemuti, fun in neop ma be’in hen na moneb uab meto Dawan natuin ‘tuis’. In tui nam fau ben nek uab meto Dawan – nes noko nan in tui puisi. Au ras e fe kan mui fa a tuis noko amolok Dawan esan tui puisi nek hit uab meto le ia 😀 .

Au ras e on le ia. Au msat u hin, au tuis nek uab meto Dawan ia of fe kan na leok fa. Au ras e msat fun hit Dawan ia fe kan mui fa struktur mane o, kan mui fa tui ‘baku’. Au ras e hit mesti ta noi na noko hit Pa’ John Manhitu. Ta noi na uab meto Dawan in struktur mane o noko in.

Noko le ia msat, au fai neke he sium neop noko kit ok-oke het ta loitan hit molok le ia ndaer molok alekot.

Aim he Tamolok Meto. Kalu ka oras ia lek an ten, kalu ka hit sekau nten es he na moneb hit molok alekot uab meto Dawan ia. Au umnau Dawan 😀 .

—————–>

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s