Bso’ot nok Bilut

Au noen, au no, au ole, au tata sin ok-oke,..

He tek bso’ot nok bilut, hit neo pe of nao neu hit bso meto nok biul meto. Bso meto bin hit pah meto ala bso Bano ma kalu bilut, hit ala tmui biul pilu. Tek bso’ot hit neo pe of lo nak ia neu atoin in ma kalu bilut of hit takam tak ia biasa bife nin esa nmoe. Tebes.

Neno un e, au fe an-ana, bso’t nok bilut ia bin me-me. Festa sa a ha, lo ala mu i ha le bso’t nok biul meto. Festa neu kre ka, tseun anaet ka, ai festa neu ta tama ti’o ma festa neu matsaos ka, ai festa neu tapoin li’ ana ka, lo alaha bso’ot nok bilut. Mui nok bonet nok.

Muni ia,bso’ot nok bilut mas map nikan. Oras festa neu kre ka ai neu plenat ma festa nbi kuan, bso’ot nok bilut mas kan par lu be fa ben. Atone-atone mas nasaitan le moet le ia. Muni ia, tseun a naet kan mui fa bso’ot ma bilut.  Oras tseun ‘Patung’ msat, bulim bso’t nok bilut hen kan mui fa ben. Ton nua es nae, au sempat utuin ‘seun Patung’ bin kuan Oenak, mui a lekot me a bso’ot nok a bilut kan mui fa. Padahal neno un e, seun Patung le ia nak neon mlil e. Es nan ma atone parlu hen nam lile nek bso’ot, bilut ma nok bonet.

Au uneop, ton boes am nemat, na be bso Bano ma bilut ka tita tene fa ben. Fu nan sa, au u et bahwa bin kuan-kuan kalu nmui a bso’ot nok bilut, nan mesti am naes tin. Li ana mas kan loem fa he nabso’on ten ma nbiul. Nes noko nan, li ana muni ia tek labit nak ‘gengsi’ hen nabso ma nbiul meto. Bin sa-sa, bin me-me, hen tek nak moe meto, li ana-li ana kan loim fa ai na maebok. 😦

Muni ia, festa on le ta tam tiO ma mat sao feU, atone meto ala hen dansa ha ben. Dansa in ras et nak es naleok, nak ‘nggaul’. Lo tebes li an in, me kais ta saitan hit bso’ot nok bilut ma bonet. Ia hit mli un E. Noko le mlile-mlile humaf le ia, le na be hit moen he. Fu neno un E nak mlile le ia es na ekub hit no nok hit noen sin. Hit abo sin nenu un e nak sin he na ekun ma man hinan nok sin aof biakin nat le natuin le humaf le ia.

Nes noko nan, plen te msat kan mui fa neop hen lestarikan le budaya-budaya lokal bin kuane – noko molok meto tia le humaf-humaf on le bso’ot ma nok bilut. Nam fau ka ala ha le humaf nua in le ia. Bin pah meto, hit mui nok on le takanab, korolele, bonet, pius meto, heo meto. Nua amunit le ia, muni ia ka tit sin fa ben.

Lab-lab ai fe lo, kalu hit kat lestarikan le sa-sa noko pah meto, ma kaisat heran kalu tia na muin humaf on le bso’ot ma bilut ma bian-bian, ras et on le hum feu. Hi tak ia hum fe u. Me kaha, fun hit (atone muni ia) kat loem fa he tamoneb hit adat ma budaya meto.

Aleuktin bin Oenak, Noemuti - nak muti oke ha ben. Ka tit fa li ana nten.
Aleuktin bin Oenak, Noemuti – nak muti oke ha ben. Ka tit fa li ana nten.

 

Li an SD nin nabso ma nbiul. Li ana noko fe an ana mesti ta noe na sin he nabso ma nbiul. Ala bin kuane fe kan mui fa sanggar tari.
Li an SD nin nabso ma nbiul. Li ana noko fe an ana mesti ta noe na sin he nabso ma nbiul. Ala bin kuane fe kan mui fa sanggar tari.
Atone noko Insan. Atone nen un E. Bso'ot le ia mo E mlil E. In nam lile kalo he nabso.
Atone noko Insan. Atone nen un E. Bso’ot le ia moE mlil E. In nam lile kalo he nabso.

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s